Adega de pedra restaurada, coa parte traseira escavada na rocha. É un prototipo da adega tradicional de Chantada, coa curiosidade de que posúe, como outras moitas familias desta zona, a maior parte das ribeiras da outra beira do río Miño, na ribeira de Portotide, unha das de máis renome pola súa excelente orientación nesta zona. Esta adega, ó igual que outras, está replantando viñedos para lograr nuns anos a capacidade total de 25000 botellas. Trátase da primeira adega de Lugo en producir viño ecolóxico.