Data: domingo 29 de xuño

Hora: 11:00

Lugar: Casco urbano de Chantada

REGULAMENTO XERAL

Presentación:
O proxecto de promoción de estilos de vida saudables “CONCELLOS SAUDABLES”, impulsado pola consellería de sanidade nos concellos de Chantada, Carballedo e Taboada ten o privilexio de convidalos a participar o domingo 29 de xuño a “I CARREIRA POPULAR CONCELLOS SAUDABLES” aberta a todos aqueles que desexen gozar dunha festa onde o circuíto, que percorre as rúas do concello, deixa admirar a fermosura da vila.



Obxectivo:
Fomentar a práctica da actividade física na totalidade da poboación, independentemente da súa idade e condición física.
A carreira será controlada por cronometradores e xuíces da Federación Galega de Atletismo, pero non ten unha finalidade unicamente competitiva.

Organización:
A organización contará coa colaboración dos organismos competentes, que regularán o tráfico ó longo do percorrido.

Normativa:
A todos os participantes facilitaráselles un dorsal que deberán colocar no peito para a súa identificación durante a carreira e chegada a meta. Serán facilitados pola organización. A entrega dos mesmos realizarase nos Concello de Carballedo e Taboada o Xoves 26 de xuño de 11.00 A 13.30, e nel de Chantada o venres 27 de xuño de 11:00 a 13:00 e pola tarde de 17:00 a 19:00. Tamén o domingo no lugar da carreira a partir das 10:00 da mañá ata as 10:45.
Quedarán descualificados os corredores que cheguen á meta sen realiza-lo percorrido completo, quen corra co dorsal de outro participante ou quen falsifique os datos da inscrición.
Ao longo da carreira a organización establecerá os controis que estime oportunos e poderán descualificar aos participantes que cometan algunha irregularidade.

Percorrido:
A saída das probas darase na rúa Xoán XXIII.
Marcará o percorrido un vehículo da organización na cabeza do grupo. Así mesmo estará sinalado en cada punto quilométrico e indicado con sinalizacións.
Haberá un avituallamento líquido á metade do percorrido e outro na meta.

Premio:
Tódolos participantes da carreira recibirán unha camiseta ata esgotar existencia.

Hora de saída e distancias a percorrer de cada proba:

Hora	Proba	Idade	Distancia
11:00	Carreira de pitufos	2 a 5 anos	100 m.
11:10	Carreira corta	6 a 11 anos	460 m.
11:20	Carreira  media	12 a 15 anos	1070 m.
11:30	Carreira popular	16 en adiante	7.100 m.
12:30	Andaina	16 en adiante	3.350 m.

Inscricións:
A inscrición e totalmente GRATUÍTA para tódalas categorías. Poderá facerse dende a publicación desta nota seguindo algunha das opcións:

• No Concello de Chantada, Carballedo e Taboada: de luns a venres
• Dende as 9:00 ata as 14:00
• Por teléfono: 628223471 (de 10:00 a 13:00 e de 17:00 a 19:00)
• Por Fax: 982462102
• Por correo electrónico: concellosaudables@hotmail.es

IMPORTANTE: Inscrición ata o 28 de xuño.
As inscricións deberán facer constar obrigatoriamente os seguintes datos persoais:

• Nome e apelido
• DNI o pasaporte
• Licenza federativa e club (se é atleta federado)
• Data de nacemento
• Sexo
• Localidade
• Teléfono de contacto

Participantes:
Os participantes deberan colocarse na zona de saída 5 minutos antes do comezo da proba.

Seguro da carreira:
Os atletas que non teñan ficha federativa están cubertos por unha póliza de seguro de accidente e responsabilidade civil, que cubrirá o tratamento das lesións como consecuencia directa do transcurso da carreira

Ambulancia:
Haberá un servizo de ambulancia nas proximidades do circuíto.

Os tempos serán publicados na páxina www.correrengalicia.org, para poder mellorar na próxima carreira tes que prepararte!!!

Haberá:
Autobús gratuíto para os corredores de Taboada e Carballedo que queiran participar.
Pinchos ao finalizar a actividade.
Premios e sorteos para tódolos participantes