Durante a segunda quincena de agosto e o mes de setembro estarán expostas na Casa da Cultura de Chantada unha vintena de fotografías de distintas dimensións do fotógrafo chantadino Rodrigo Fernández López (Roi).

O artista móstranos nesta exposición unha selección de imaxes sobre a paisaxe da montaña da Galicia Oriental e da ribeira do Miño. Con esta mostra quere dar un toque de atención á vulnerabilidade desta fermosa paisaxe da que aínda podemos gozar pero que podemos estragar.

Inauguración
Venres 21 de agosto
Ás 20:30 horas.