A Consellaría de Medio Ambiente, Territorio e Infraestruturas ven de publicar un decreto no que se regula o rexistro de demandantes de vivenda protexida tanto para protección oficial de promoción pública, de promoción pública de núcleos rurais e cascos históricos ou para as de promoción privada. Así, todas as persoas que estean interesadas en acceder a este tipo de promocións, deberán inscribirse como demandantes de vivenda da Comunidade Autónoma de Galicia.

Co fin de facilitar a todos os cidadáns e cidadás todo o relativo aos requisitos e funcionamento do rexistro, o Concello de Chantada pon á súa disposición a Oficina Municipal de Rehabilitación sita na rúa Calvo Sotelo 27 para a información e para os trámites a este respecto. Descargar decreto no DOG »