Os pratos fortes de Chantada son os do típico receitario galego: polbo á feira, lacón con grelos, cocido, embutidos e carne de tenreira.

Mención especial merece o viño, que conta con Denominación de Orixe Ribeira Sacra. Así mesmo, Chantada produce exquisitos licores e augardentes, e é, ademais, pioneira na elaboración de sidra ecolóxica.

Sobresaen tamén produtos de gran calidade como os cogomelos, as cereixas, as castañas e o mel. Ao igual que elaborados tradicionais como a empanada, a torta de améndoa, os queixos, a manteiga, as galletas mariñeiras e outros máis recentes como o doce de leite.