O Concello de Chantada celebra e organiza a súa II Edición de San Silvestre no Corazón de Galicia, que se celebrará o próximo sábado 27 de decembro de 2025 a partir das 17:30 horas polas rúas da Vila.
A carreira San Silvestre no Corazón de Galicia está aberta a todo o mundo, independentemente da súa idade, categoría, sexo, lugar de orixe ou condición social, sempre que estean debidamente inscritos, tanto en tempo como na forma correcta, e non estean sancionados por federacións deportivas segundo as indicacións da Comisión Estatal de Loita contra a Dopaxe no Deporte (CELAD) e do Consello Superior de Deportes (CSD). A participación na San Silvestre é voluntaria e realízase baixo a propia responsabilidade dos participantes.
Poderán participar atletas federados e non federados, haberá unha soa distancia para adultos de 5 km polo casco urbano, e dúas distancias para a rapazada de 200 m de 4 a 6 anos e de 1000 m de 6 a 12 anos.
Premiarase ó corredor/a mellor DISFRAZADO/A, a nivel individual ou por equipo (mínimo 5 membros) e os 1º, 2º e 3º da clasificación xeral masculino e feminino da carreira de 5 km, e medallas para todos os participantes das distancias 200 m e 1000 m.
A rapazada maior de 12 anos poderá facer a distancia de 5 km acompañados por un adulto ou ca autorización do representante legal.
As inscricións realizaranse a través da web championchipnorte.com
Prazo de inscrición:
Do luns día 10 de novembro ata o día 25 de decembro de 2025 ás 23:59.
O Concello de Chantada, nun evento de promoción deportiva dirixido ao Atletismo, ofrece a opción de participar gratuitamente en CROS ESCOLAR.
As competicións realizaranse os domingos en horario de mañá:
– 19 de outubro en Monforte de Lemos (1ª preparatoria).
– 26 de outubro en Chantada (2ª preparatoria).
– 16 de novembro o clasificatorio para o provincial en Monforte de Lemos.
– 14 de decembro será a Final Provincial na Mariña.
