do Casco Antigo
A Oficina de Rehabilitación do Casco Antigo é o resultado dunha política de axudas que ten coma obxectivo frear e paliar deterioro que sofren os edificios do casco antigo e revitalizar un dos aspectos máis representativos do carácter da vila.
O casco antigo delimita polo norte coa Praza Santa Ana é polo sur coa rúa Manuel Formoso Lamas.
En 1999 o Concello de Chantada acorda a delimitación de “Área de Rehabilitación” e firma un convenio coa Consellería de Política Territorial, Obras Públicas e a Consellería de Vivenda e Solo da Xunta de Galicia, comezando en 2001 a 1º Fase de rehabilitacións con 25 actuacións.
Os interesados en acometer a rehabilitación nun edificio situado no casco antigo deben acudir á Oficina de Rehabilitación do Casco Antigo, onde serán atendidos persoalmente.
- Restauración.
- Conservación.
- Consolidación.
- Acondicionamento.
- Reestruturación.
- Ampliación, así como substitución de edificacións non catalogadas.
As obras de urbanización ou reurbanización, que se pretenden realizar son, as seguintes:
- Melloras das infraestruturas.
- Pavimentos.
- Implantación de mobiliario urbano e sinalizacións.
Para realizar o estudo de rehabilitación clasificáronse os inmobles segundo o seu estado de conservación, resaltando o contraste entre edificios en bo estado, respecto a outros en moi mal estado ou ruinosos, sendo a súa clasificación: bo, malo, ou ruínas.
Tamén hai que definir os graos de rehabilitación, para clasificar as distintas rehabilitacións posibles. Estes graos son os seguintes: Lixeira, media, pesada, e ruinosa.
Tódalas obras de rehabilitación teñen que ser compatibles co planeamento urbanístico vixente, sendo a clasificación en función da situación máis desfavorable.
A “Área de rehabilitación do Casco Antigo” abrangue un total de 162 edificios con 343 vivendas, que ocupan unha superficie construída de 45.833 m2, o seu estado de conservación varía entre bo, malo e en ruínas, situados nas seguintes rúas:
− Rúa Leonardo Rodríguez.
− Avenida de Ourense.
− Rúa Calvo Sotelo.
− Rúa Antonio Lorenzana.
− Rúa Alemaña.
− Praza do Mercado.
− Rúa Luciano Travadelo.
− Travesía de Calvo Sotelo.
− Travesía Tras dos Fornos.
− Rúa Trovador Xoán de Requeixo.
− Rúa Tras dos Fornos.
− Rúa Luís Souto Lemos.
− Praza de España ou Praza do Cantón.
− Rúa Dous de Maio.
− Rúa Manuel Formoso Lamas.
− Rúa Daniel Vázquez Boó.
− Calexo do Curro.
A Oficina Municipal da Área de Rehabilitación do Casco Antigo facilitará gratuitamente a asistencia técnica necesaria para a realización das obras que o solicitante desexa acometer.
Os Técnicos da Oficina encargaranse da redacción das memorias valoradas, dos contratos da obra, da supervisión, control e informe de recepción final das mesmas.
− Os propietarios e usufrutuarios de vivendas e edificios destinados a vivendas.
− Os inquilinos de vivendas ou edificios de vivendas que teñan autorización da propiedade para acometer obras na vivenda no edificio que ocupan como arrendatarios.
− As comunidades de propietarios ou veciños con capacidade legal para decidir as obras nos edificios ou vivendas.
As obras que se subvencionarán serán as incluídas nun ou máis dos seguintes apartados:
6.1. Intervencións Protexibles Básicas:
– Instalación eléctrica: renovación, mellora, ampliación e creación de novos circuítos no interior da vivenda e espazos comúns do edificio.
– Instalación de fontanería: renovación, mellora e creación de novas conducións, sistema de quentamento de auga e calefacción.
– Instalación de saneamento: renovación, mellora, ampliación e creación de novas conducións horizontais e verticais, a súa conexión coa rede xeral de saneamento.
– Instalacións sanitarias: substitución e colocación de elementos sanitarios, incluído as billas.
– Acondicionamento de cociñas e baños: renovación e mellora de locais húmidos, acabados horizontais e verticais, protección de elementos estruturais. Instalacións de shuts e ventilacións forzadas.
– Consolidación da estrutura degradada da cuberta con materiais tradicionais e, nos casos en que sexa conveniente, con perfilaría de aceiro e reposición de pontóns de madeira.
6.2. Intervencións Protexibles Complementarias:
– Reparación ou substitución de elementos de cerramento e carpinterías, afectadas polas obras de acondicionamento de locais húmidos.
– Reparación ou substitución de carpinterías exteriores.
– Modificación de distribución sempre que sexa para mellorar as condicións de habitabilidade da vivenda (iluminación e ventilación), e complementarias ás intervencións en instalacións.
– Reparación ou conservación dos elementos de formación da cuberta, co obxectivo de procurar a estanqueidade.
– Acondicionamento de portais e accesos a vivendas: Instalación de porteiro automático, reparación e pintura, renovación o substitución de instalacións eléctricas. Reparación o substitución de portas de acceso.
– Reparación e tratamento de fachadas: Limpeza de pedra, reparación de revocos e enfuscados, consolidación de fendas.
Orzamentos
O presuposto protexible será o custe real das obras a realizar, sempre que estean incluídas nas actuacións protexibles previstas e coas seguintes limitacións:
– Consultar na Oficina de Rehabilitación do Casco Antigo as condicións actuais.
Contía
A contía das axudas será sobre o importe de execución das obras en función dos ingresos da unidade familiar:
– Consultar na Oficina de Rehabilitación do Casco Antigo as condicións actuais.
9. Situación
O actual Casco Antigo presenta unha estrutura lonxitudinal configurada por un eixe dominante: Rúa Leonardo Rodríguez, Rúa do Comercio, Rúa Dous de Maio e Rúa Manuel Formoso Lamas, que se estende en dirección norte-sur, dende a Praza de Santa Ana ata o Río Asma.
Rueiro do Casco Antigo de Chantada
Dos 162 edificios existentes que o forman, tres edificios destínanse ao equipamento público:
– Igrexa de Santa Mariña
– Casa da Cultura
– Edificio do Concello
Os 155 edificios destinados a uso residencial agrupan un conxunto de 343 vivendas.
CONTACTO
ENDEREZO
Praza do Cantón, 1
27500 Chantada
TELÉFONO
982 44 00 11
