Nas melloras investíronse 51.462€
O Concello de Chantada vén de acometer novas melloras nas Pistas de Tenis do Parque Eloísa Rivadulla. As actuacións enmárcanse na liña de axudas da Xunta de Galicia para creación, mellora e ampliación de servizos básicos locais. Esta subvención utilizouse nos últimos anos para mellorar parques infantís e nesta ocasión decidiuse investir nas pistas de tenis. As obras contaron cun orzamento de 51.462€ dos que a Xunta aporta o 70% e o resto correpóndelle ao Concello de Chantada.
As instalacións que se renovaran no 2020 coa mellora de dúas das canchas, complétanse agora coa nova pavimentación da terceira e o pintado dos distintos pavimentos e de todas as liñas de xogo de todas as pistas.
A maioires mellórase o servizo coa instalación dun novo sistema de acceso automatizado, replicando o instalado nas pistas de pádel. O acceso farase, polo tanto, a través dunha aplicación coa que os/as usuarios/as recibirán no móbil un código qr no momento de facer a reserva, con ese código poderán acceder ás pistas. Este novo sistema entrará en funcionamento proximamente.
As Pistas de Tenis de Chantada disponen de tres canchas para o xogo, vestiarios e iluminación adecuada para a práctica deste deporte sen luz natural. As instalacións son utilizadas polas Escolas Deportivas Municipiais e están abertas aos clubs e persoas que as soliciten.
