O Alcalde entrega os premios do Certame Letras Galegas 2025
A Casa da Cultura de Chantada varía os horarios dos distintos servizos que acolle para adaptarse á tempada de verán. Así, desde o 1 de xullo, a Oficina de Turismo abrirá de luns a venres en horario de 10:00h a 14:00h e de 16:00 a 18:00h. Nas fins de semana e festivos, o horario será de 10:00h a 14:00h.
Por outra parte a Biblioteca Pública Municipal abrirá as súas portas de luns a venres en horario de 9:00h a 15:00h. Os/as usuarios/as da sala de estudo poderán usar as instalacións nos horarios de tarde, fins de semana e festivos da Oficina de Turismo.
Precisamente na Biblioteca Pública Municipal de Chantada entregáronse esta semana os premios do Certame das Letras Galegas 2025, que organizou a Biblioteca en colaboración coa Biblioteca Provincial. Da entrega encargouse o alcalde de Chantada, Manuel Lorenzo Varela, que felicitaba aos premiados/as, “sempre é un orgullo recoñecer o traballo das nenas e nenos que destacan polas súas narracións e debuxos, agradecemos a participación de todos/as. En Chantada temos canteira para a escrita con alumnos como Antón Rodríguez Fernández que un ano máis resultou premiado na fase provincial de narración”.
Relación de premiados no Certame de Narración:
Categoría A
1º Xulia Rodríguez Fernández
2º Zhoe Figueiras Vázquez
Categoría B
1º Antón Rodríguez Fernández
Relación de premiados no Certame de Debuxo:
Categoría A
1º Xulia Rodríguez Fenández
2º Dayanne Feliú Benítez
3º Alba Fernández Rodríguez
Categoría B
1º Antón Rodríguez Fernández
2º Ánder Pérez Ochandategui
3º Ana Veiga Otero
Exposición Madeiras de Muller (MOXOM)
A Casa da Cultura de Chantada acolle do 1 ao 31 de xullo a exposición Madeiras de Muller, obra de MOXOM. Xosé Manuel Rodríguez Mojón, nado en Ourense en 1964, leva máis de 30 anos tallando a madeira de forma autodidacta. As súas madeiras saen de encoros, camiños e leiras de toda Galicia; dándolle unha nova vida a pezas que xa eran refugallos e que transforma en creacións artísticas únicas.
Moxom leva feitas unhas 80 exposicions por toda Galicia, Portugal e Madrid, despois de ter creado case 3000 pezas. Nesta ocasión na mostra de Chantada poderánse ver “arredor de 35 obras de colgar, de peanas e de pé. Esculturas de épocas distintas e orixinais que crean un mundo feminino moi especial”, explica o autor.
